2020 թվականին նախատեսված Հայաստանի Ազգային օլիմպիական կոմիտեի նախագահի ընտրությունն այս տարի չի անցկացվի: Այն տեղի կունենա 2021 թվականին, Տոկիոյի Օլիմպիական խաղերից հետո:
Այս մասին NEWS.am Sport-ի թղթակցի հետ զրույցում ասաց ՀԱՕԿ գլխավոր քարտուղար Հրաչյա Ռոստոմյանը:
2020 թվականի օգոստոսին լրանում է ՀԱՕԿ նախագահ Գագիկ Ծառուկյանի պաշտոնավարման ժամկետը: Ազգային օլիմպիական կոմիտեների նախագահների ընտրությունները տեղի են ունենում 4 տարին մեկ հերթական ամառային Օլիմպիական խաղերից հետո:
«Քանի որ ԱՕԿ նախագահների ընտրությունները տեղի են ունենում 4 տարին մեկ, Օլիմպիական խաղերից հետո, որոշեցինք մեկ տարով հետաձգել եւ անցկացնել Տոկիոյի Օլիմպիական խաղերից հետո, որը տեղի է ունենալու 2021 թվականին:
ԱՕԿ նախագահների ընտրությունները կարգավորվում է ՄՕԿ-ի կողմից եւ մենք ստացել ենք գրություն-առաջարկ ՄՕԿ-ի կողմից, որ ՀԱՕԿ նախագահի ընտրություններն անցկացնենք հաջորդ տարի, Խաղերից անմիջապես հետո»,- ասաց Հրաչյա Ռոստոմյանը:
Գագիկ Ծառուկյանը Հայաստանի Ազգային օլիմպիական կոմիտեի նախագահի պաշտոնում է 2004 թվականից:
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում
00:47 , 20 ապրիլի 
23:08 , 19 ապրիլի 
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
19:28 , 19 ապրիլի 
19:15 , 19 ապրիլի 
18:50 , 19 ապրիլի 
18:32 , 19 ապրիլի 
