01:59  ,  13 հուլիսի, 2020

«Սեւիլիան» հաղթեց եւ հավասարվեց «Աթլետիկոյին» (տեսանյութ)

Իսպանիայի առաջնության 36-րդ տուրում «Սեւիլիան» ընդունեց «Մալյորկային» եւ առավելության հասավ 2։0 հաշվով։

41-րդ րոպեին 11 մետրանոցից հյուրերի դարպասը գրավեց արգենտինացի կիսապաշտպան Լուկաս Օկամպոսը։ Մարոկկոն ներկայացնող հարձակվող Յուսեֆ Էն-Նեսիրին 84-րդ րոպեին կրկնապատկեց դաշտի տերերի առավելությունը։

«Սեւիլիան» 66 միավորով հավասարվեց երրորդ տեղում ընթացող Մադրիդի «Աթլետիկոյին» եւ գոլերի տարբերությամբ չորրորդ տեղում է։ «Մալյորկան» նախավերջինն է՝ 32 միավոր։

Իսպանիայի առաջնություն, 36-րդ տուր

«Սեւիլիա» - «Մալյորկա»՝ 2։0 (տեսանյութ)

Լուկաս Օկամպոս, 41, 11մ, Յուսեֆ Էն-Նեսիրի, 84

Հետևեք NEWS.am SPORT-ին Facebook-ում, Twitter և Telegram-ում