Իսպանիայի չեմպիոն «Բարսելոնայի» գլխավոր մարզիչ Էնրիկե Սետիենը խոսել է «Վալյադոլիդի» դեմ հաջորդ հանդիպման եւ «Ռեալի» հետ չեմպիոնական մրցավազքի մասին։
«Վալյադոլիդը» դեռ չի երաշխավորել տեղը Պրիմերայում հաջորդ մրցաշրջանի համար եւ կձգտի հասնել դրան։ Այդ պատճառով պետք է լինել ուշադիր եւ խստապահանջ։
Մենք մինչեւ վերջին տուրը կարող ենք պահպանել չեմպիոն դառնալու շանսը։ Ֆուտբոլում ամեն ինչ հնարավոր է։ Բոլորն էլ տեսել են անհավանական իրադարձություններ ֆուտբոլում։
Մենք պետք է կենտրոնանանք «Վալյադոլիդի» դեմ խաղի վրա»,- Սետիենի խոսքը մեջբերում է AS-ը։
«Ռեալը» 34 խաղից հետո 77 միավորով գլխավորում է մրցաշարային աղյուսակը եւ 1 միավորի առավելություն ունի 35 հանդիպում անցկացրած «Բարսելոնայի» նկատմամբ։
«Վալյադոլիդի» դեմ 36-րդ տուրի արտագնա հանդիպումը «Բարսելոնան» կանցկացնի հուլիսի 11-ին։
Հետևեք NEWS.am SPORT-ին Facebook-ում, Twitter և Telegram-ում