Լոզանի մարզական արբիտրաժային դատարանը «Բարսելոնային» անմեղ է ճանաչել Նեյմարի տեղափոխության վերաբերյալ դատական հայցում, տեղեկացնում է Sport.es-ը:
Նեյմարի նախկին ակումբը՝ բրազիլական «Սանտոսը», դատարան էր դիմել՝ «Բարսելոնայից» պահանջելով Նեյմարի տեղափոխության գործարքում թույլ տված ապօրինությունների համար ակումբին վճարել 61 միլիոն 295 հազար եվրո:
Դատարանի վճռի համաձայն՝ «Բարսելոնան» որևէ սխալ թույլ չի տվել Նեյմարի տեղափոխության գործարքում: «Սանտոսի» հայցը մերժվել է:
Հիշեցնենք, որ «Բարսելոնան» ձեռք էր բերել Նեյմարին 2013 թվականի ամռանը՝ բրազիլացի ֆուտբոլիստի տեղափոխության դիմաց վճարելով 57 միլիոն եվրո:
Հետևեք NEWS.am SPORT-ին Facebook-ում, Twitter և Telegram-ում