«Բոլոնիայի» կամային հաղթանակը «Ինտերի» նկատմամբ (տեսանյութ)

Իտալիայի առաջնության 30-րդ տուրում «Բոլոնիան» հյուրընկալվեց Միլանի «Ինտերին» եւ կամային հաղթանակ տարավ 2։1 հաշվով։

22-րդ րոպեին հանդիպման հաշիվը բացեց «Ինտերի» բելգիացի հարձակվող հարձակվող Ռոմելու Լուկակուն։ 57-րդ րոպեին «Բոլոնիան» մնաց 10 ֆուտբոլիստներով։ Կարմիր քարտ ստացավ իտալացի կիսապաշտպան Ռոբերտո Սորիանոն։

62-րդ րոպեին «Ինտերից» 11 մետրանոցը չկարողացավ արդյունավետ իրացնել արգենտինացի հարձակվող Լաուտարո Մարտինեսը։

74-րդ րոպեին հյուրերը գամբիացի կիսապաշտպան Մուսա Ջուվարայի գոլի շնորհիվ վերականգնեցին հավասարությունը, իսկ 77-րդ րոպեին թիմերը հավասարվեցին նաեւ խաղացողների քանակով։ Երկրորդ դեղին քարտը ստացավ եւ հեռացվեց «Ինտերի» իտալացի պաշտպան Ալեսանդրո Բաստոնին։

Դրանից 3 րոպե անց «Բոլոնիան» խփեց նաեւ երկրորդ գոլը։ Աչքի ընկավ գամբիացի հարձակվող Մուսա Բերոուն։

«Ինտերը» 64 միավորով երրորդ տեղում է, «Բոլոնիան» 9-րդն է՝ 41 միավոր։

Իտալիայի առաջնություն, 30-րդ տուր

«Ինտեր» - «Բոլոնիա»՝ 1։2 (տեսանյութ)

Ռոմելու Լուկակու, 22 - Մուսա Ջուվարա, 74, Մուսա Բերոու, 80

Չիրացրած 11մ՝ Լաուտարո Մարտինես («Ինտեր»), 62

Հեռացումներ՝ Ալեսանդրո Բաստոնի («Ինտեր»), 77, երկրորդ դեղին քարտ -  Ռոբերտո Սորիանո («Բոլոնիա»), 57

Հետևեք NEWS.am SPORT-ին Facebook-ում, Twitter և Telegram-ում