16:27  +04,  5 հուլիսի, 2020

ՊՍԺ-ն դեմ չէ Նեյմարին փոխանակել Գրիզմանի եւ Դեմբելեի հետ

Ֆրանսիայի չեմպիոն ՊՍԺ-ն դեմ չէ առաջիկա տրանսֆերային պատուհանի ժամանակ բրազիլացի հարձակվող Նեյմարին վաճառել Իսպանիայի չեմպիոն «Բարսելոնային», եթե գործարքում ներառվեն աշխարհի չեմպիոն Ֆրանսիայի հավաքականի հարձակվողներ Անտուան Գրիզմանի եւ Ուսման Դեմբելեի տեղափոխությունը կատալոնական թիմից փարիզյան ակումբ, հաղորդում է իսպանական AS-ը։

ՊՍԺ-ն 28-ամյա Նեյմարի տրանսֆերը գնահատում է 170 միլիոն եվրո։ Նրա պայմանագիրը ֆրանսիական ակումբի հետ նախատեսված է մինչեւ 2022թ․ հունիսի 30-ը։

Ընթացիկ մրցաշրջանում Նեյմարը ՊՍԺ-ի հետ բոլոր մրցաշարերում մասնակցել է 22 հանդիպման, խփել 18 գոլ, կատարել 10 գոլային փոխանցում։

Նեյմարը «Բարսելոնայում» հանդես է եկել 2013-2017-ին եւ ՊՍԺ է տեղափոխվել 222 միլիոն եվրոյի դիմաց։

Հետևեք NEWS.am SPORT-ին Facebook-ում և Twitter-ում

Տպել    |  In English

Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով

  • Լրահոս