13:18  ,  5 հուլիսի, 2020

Կլոպ․ ՉԼ-ի ֆավորիտներն են «Մանչեսթեր Սիթին» ու «Բավարիան»

Անգլիայի չեմպիոն «Լիվերպուլի» գերմանացի գլխավոր մարզիչ Յուրգեն Կլոպը նշել է Չեմպիոնների լիգայի ֆավորիտներին։

«Կարծում եմ Չեմպիոնների լիգայում մնացել է երկու ֆավորիտ՝ «Բավարիա» եւ «Մանչեսթեր Սիթի»։ Հրաշալի դիմակայություն կլինի։ Ստույգ չգիտեմ՝ երբ կհանդիպեն նրանք։ «Բավարիան» տպավորիչ մրցաշրջան անցկացրեց Գերմանիայում։ Հանս-Դիտեր Ֆլիկի ղեկավարությամբ նրանց խաղը տպավորիչ է։

Չեմպիոնների լիգան նոր ձեւաչափով հետաքրքիր կլինի։ Տպավորիչ է նաեւ «Մանչեսթեր Սիթիի» կազմը։ Միշտ ասել եմ, որ Չեմպիոնների լիգայում հաղթելու համար պետք է ունենաս լավագույն կազմը։

Չեմ ասում, որ մյուս թիմերը ոչ մի շանս չունեն, բայց այս երկու թիմերն են ֆավորիտները»,- Կլոպի խոսքը մեջբերում է Goal.com-ը։

Չեմպիոնների լիգայի քառորդ եզրափակիչը, կիսաեզրափակիչը եւ եզրափակիչը «Ութ ուժեղագույնների եզրափակիչ» ձեւաչափով կանցկացվի Պորտուգալիայի մայրաքաղաք Լիսաբոնում օգոստոսի 12-23-ը։ Դիմակայությունները կանցկացվեն մեկ հանդիպումով։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English