Եվրոպայի լիգայի խաղարկության 1/8 եզրափակիչի պատասխան խաղում անգլիական «Մանչեսթեր Յունայթեդը» հյուրընկալվելիս 1:2 հաշվով պարտվեց Բիլբաոյի «Աթլետիկին» եւ դուրս մնաց հետագա պայքարից:
Հանդիպման հաշիվը 23-րդ րոպեին բացեց «Աթլետիկի» իսպանացի հարձակվող Ֆերնանդո Լյորենտեն: 60-րդ րոպեին Օսկար Դե Մարկոսը կրկնապատկեց հաշիվը՝ 2:0: Հանդիպման ավարտից 10 րոպե առաջ անգլիացի հարձակվող Ուեյն Ռունին կրճատեց հաշիվը, սակայն այդ գոլը ոչնչով չօգնեց Ալեքս Ֆերգյուսոնի թիմին: «Աթլետիկն» արժանի հաղթանակ տարավ եւ դուրս եկավ քառորդ եզրափակիչ:
Հիշեցնենք, որ «Օլդ Տրաֆորդում» կայացած խաղում եւս «Աթլետիկը» հաղթել էր՝ 3:2:
Եվրոպայի լիգա. 1/8 եզրափակիչ, պատասխան հանդիպում
«Աթլետիկ» - «Մանչեսթեր Յունայթեդ»՝ 2:1 (առաջին հանդիպում՝ 3:2)
Լյորենտե, 23, Դե Մարկոս, 60 – Ռունի, 80
Հետևեք NEWS.am SPORT-ին Facebook-ում, Twitter և Telegram-ում