#ServusLeroy #FCBayern #MiaSanMia @LeroySane19 pic.twitter.com/jIRLfcdnlz
— FC Bayern München (@FCBayern) July 3, 2020
Գերմանիայի չեմպիոն Մյունխենի «Բավարիան» հայտարարեց անգլիական «Մանչեսթեր Սիթիից» Գերմանիայի հավաքականի կիսապաշտպան Լերոյ Սանեին ձեռք բերելու մասին։
«Բավարիան» հինգ տարվա պայմանագիր է կնքել 24-ամյա ֆուտբոլիստի հետ, որը նոր ակումբում կստանա տարեկան 17 միլիոն եվրո աշխատավարձ։
«Բավարիան» Սանեի համար վճարել է մոտ 60 միլիոն եվրո, որի մեջ մտնում են նաեւ բոնուսները։
Սանեն 2016 թվականին էր գերմանական «Շալկեից» տեղափոխվել «Մանչեսթեր Սիթի» 50 միլիոն եվրոյի դիմաց։
Անգլիական թիմի հետ նա բոլոր մրցաշարերում մասնակցել է 135 հանդիպման, խփել 39 գոլ, կատարել 45 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում