Իսպանիայի առաջնության 33-րդ տուրում Մադրիդի «Ռեալը» տանը մրցեց «Խետաֆեի» հետ։ Ֆրանսիացի Զինեդին Զիդանի գլխավորած թիմն առավելության հասավ նվազագույն հաշվով։
79-րդ րոպեին հյուրերը սեփական տուգանային հրապարակում խախտեցին կանոնները իսպանացի պաշտպան Դանիել Կարվախալի նկատմամբ։ 11 մետրանոցն արդյունավետ իրացրեց իսպանացի պաշտպան Սերխիո Ռամոսը։
«Ռեալը» տարավ 6-րդ անընդմեջ հաղթանակը Պրիմերայում, 74 միավորով գլխավորում է մրցաշարային աղյուսակը եւ արդեն 4 միավորի առավելություն ունի երկրորդ տեղում ընթացող «Բարսելոնայի» նկատմամբ։ «Խետաֆեն» 6-րդն է՝ 52 միավոր։
Իսպանիայի առաջնություն, 33-րդ տուր
«Ռեալ» - «Խետաֆե»՝ 1։0 (տեսանյութ)
Սերխիո Ռամոս, 79, 11մ
Հետևեք NEWS.am SPORT-ին Facebook-ում, Twitter և Telegram-ում