15:50  +04,  2 հուլիսի, 2020

Օբամեյանգը հաստատել է, որ մոտ է «Արսենալի» հետ համաձայնության գալուն

Լոնդոնի «Արսենալի» գաբոնցի հարձակվող Պյեր-Էմերիկ Օբամեյանգը հաստատել է, որ մոտ է նոր պայմանագրի հարցում ակումբի ղեկավարության հետ համաձայնության գալուն:

«Այժմ բանակցում ենք ակումբի ղեկավարության հետ: Բանակցությունները հաջող են ընթանում, սակայն դեռ չենք եկել վերջնական համաձայնության: 

Միկել Արտետայի՝ «Արսենալ» վերադառնալուց հետո ամեն ինչ լավ է ընթանում: Վստահ եմ, որ մենք մեծ հաջողությունների կհասնենք»,- 31-ամյա ֆուտբոլիստի խոսքը փոխանցում է The Sun-ը:

Ավելի վաղ 30-ամյա Օբամեյանգը հայտարարել էր, որ չի ցանկանում շարունակել համագործակցությունն «Արսենալի» հետ և մտադիր է այլ ակումբ տեղափոխվել:

Գաբոնի ազգային հավաքականը ներկայացնող ֆուտբոլիստի պայմանագիրն «Արսենալի» հետ նախատեսված է մինչև 2021 թվականի հունիս:

Հետևեք NEWS.am SPORT-ին Facebook-ում և Twitter-ում

Տպել    |  In English

Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս