Անգլիական «Մանչեսթեր Սիթիի» ղեկավարությունը փոխարինող է գտել թիմի գերմանացի կիսապաշտպան Լերոյ Սանեին, որը մրցաշրջանի ավարտից հետո կտեղափոխվի «Բավարիա»:
ESPN-ի հաղորդմամբ՝ «Մանչեսթեր Սիթիի» ուշադրության կենտրոնում է հայտնվել «Բարնլիի» 20-ամյա կիսապաշտպան Դուայթ Մակնեյլը:
Անգլիացի ֆուտբոլիստի ձեռքբերմամբ շահագրգռված է անձամբ մանչեսթերյան ակումբի կատալոնացի գլխավոր մարզիչ Խոսեպ Գվարդիոլան:
Պրեմյեր լիգայի ընթացիկ մրցաշրջանում Մակնեյլը մասնակցել է 31 հանդիպման, խփել 2 գոլ, կատարել 6 գոլային փոխանցում:
Հետևեք NEWS.am SPORT-ին Facebook-ում, Twitter և Telegram-ում