Խառը մենամարտերի թեթև քաշային կարգում չեմպիոն, ռուսաստանցի Խաբիբ Նուրմագոմեդովի մենեջեր Ալի Աբդել-Ազիսը հայտարարել է, որ Նուրմագոմեդովը երկրորդ անգամ չի մենամարտի 2 քաշային կարգում նախկին չեմպիոն, իռլանդացի Քոնոր Մաքգրեգորի հետ:
«Մաքգրեգորը խոսում է ռևանշի մասին, սակայն Խաբիբը հնարավորություն չի տա նրան: Եթե Մաքգրեգորը ռևանշ է ցանկանում, ապա պետք է առնվազն 3 մենամարտում հաղթանակ տանի»,- Ալի Աբդել-Ազիսի խոսքը մեջբերում է ТАСС-ը:
Հիշեցնենք, որ հունիսի 7-ին Մաքգրեգորը հայտարարել էր կարիերան ավարտելու մասին:
Խաբիբ Նուրմագոմեդովն ու Քոնոր Մաքգրեգորը մենամարտել են 2018 թվականի հոկտեմբերին: Ռուսաստանցի մարզիկը հաղթանակ էր տարել խեղդող հնարքով:
Հետևեք NEWS.am SPORT-ին Facebook-ում, Twitter և Telegram-ում