Խորվաթիայի հավաքականի եւ Մյունխենի «Բավարիայի» հարձակվող Իվիցա Օլիչն ընթացիկ մրցաշրջանի վերջում կտեղափոխվի գերմանական «Վոլֆսբուրգ», հաղորդում է Goal.com-ը:
32-ամյա ֆուտբոլիստը երկու տարվա պայմանագիր է կնքել Ֆելիքս Մագատի գլխավորած թիմի հետ:
Վերջին շրջանում Օլիչը հազվադեպ է հայտնվում «Բավարիայի» մեկնարկային կազմում: Ընթացիկ մրցաշրջանում հարձակվողը բոլոր մրցաշարերում 21 հանդիպում է անցկացրել մյունխենյան ակումբի կազմում եւ դարձել է երկու գոլի հեղինակ:
Հետևեք NEWS.am SPORT-ին Facebook-ում, Twitter և Telegram-ում