Ֆուտբոլի Հայաստանի առաջնության չեմպիոնական խմբի 21-րդ տուրում չեմպիոն «Արարատ-Արմենիան» հյուրընկալվեց «Ալաշկերտին» եւ առավելության հասավ 2։1 հաշվով։
Արդեն 11-րդ րոպեին «Արարատ-Արմենիայի» նիգերիացի հարձակվող Յուսուֆ Օտուբանջոն բացեց հանդիպման հաշիվը։
«Ալաշկերտի» բոսնիացի հարձակվող Ալեքսանդր Գլիշիչը 59-րդ րոպեին վերականգնեց հաշվի հավասարությունը, սակայն 65-րդ րոպեին Վարդան Մինասյանի գլխավորած թիմը ստացավ 11 մետրանոցի իրավունք, եւ Կաբո Վերդեն ներկայացնող հարձակվող Մաիլսոն Լիման խփեց հաղթական գոլը։
«Արարատ-Արմենիան» 41 միավորով գլխավորում է մրցաշարային աղյուսակը, երկրորդ եւ երրորդ տեղերում ընթացող «Լոռին» ու «Նոան» ունեն 35-ական միավոր։ «Ալաշկերտը» 34 միավորով չորրորդ տեղում է։
Հայաստանի առաջնություն, 21-րդ տուր
«Ալաշկերտ» - «Արարատ-Արմենիա»՝ 1։2
Ալեքսանդր Գլիշիչ, 59 - Յուսուֆ Օտուբանջո, 11, Մաիլսոն Լիմա, 65, 11մ
Հետևեք NEWS.am SPORT-ին Facebook-ում, Twitter և Telegram-ում