20:51  ,  6 հունիսի, 2020

Դե Լիգտ․ Շատ երջանիկ եմ «Յուվենտուսում»

Իտալիայի չեմպիոն Թուրինի «Յուվենտուսի» հոլանդացի կենտրոնական պաշտպան Մատեյս Դե Լիգտը խոսել է իտալացի Մաուրիցիո Սարիի գլխավորած թիմում մթնոլորտի մասին։ Դե Լիգտն անցած ամռանն է Ամստերդամի «Այաքսից» տեղափոխվել «Յուվենտուս»։

«Շատ երջանիկ եմ «Յուվենտուսում»։ Ուրախ եմ ամեն օր մարզվել այսպիսի անհավանական ֆուտբոլիստների հետ։ Ամեն օր կատարելագործվելու ձգտում ունեմ։

Թիմակիցներիցս ինձ հիացրել են Պաուլո Դիբալան եւ Ռոդրիգո Բենտանկուրը, որին թերագնահատում են։ Ռոնալդուի մասին ավելորդ եմ համարում խոսել։ Նա անհավանական է»,- Դե Լիգտի խոսքը մեջբերում է Tuttosport-ը։

Ընթացիկ մրցաշրջանում Դե Լիգտը «Յուվենտուսի» հետ բոլոր մրցաշարերում մասնակցել է 27 հանդիպման, խփել 2 գոլ։

Հետևեք NEWS.am SPORT-ին Facebook-ում, Twitter և Telegram-ում