21:44  +04,  4 հունիսի, 2020

Գոնսալո Իգուաինը վնասվածք է ստացել մարզման ժամանակ

Իտալիայի չեմպիոն Թուրինի «Յուվենտուսի» արգենտինացի հարձակվող Գոնսալո Իգուաինը վնասվածք է ստացել իտալացի Մաուրիցիո Սարիի գլխավորած թիմի մարզման ժամանակ, հաղորդում է ակումբի մամուլի ծառայությունը։

32-ամյա ֆուտբոլիստը ստացել է աջ ազդրի մկանային վնասվածք։ Բուժզննումը ցույց է տվել, որ վնասվածքը ծանր չէ, սակայն Իգուաինը բաց կթողնի առաջիկա մարզումները։ Ապաքինման ժամկետը չի նշվում։

Կորոնավիրուսի պանդեմիայի հետեւանքով դադարեցված Իտալիայի առաջնության վերսկսումից հետո «Յուվենտուսը» 27-րդ տուրում հունիսի 22-ին կհյուրընկալվի «Բոլոնիային»։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: