«Ինտերը» հետաքրքրված է Ալեքսանդր Լյակազեթի ծառայություններով

Միլանի «Ինտերը» հետաքրքրված է Լոնդոնի «Արսենալի» եւ Ֆրանսիայի հավաքականի 29-ամյա հարձակվող Ալեքսանդր Լյակազեթի ծառայություններով, հաղորդում է mundodeportivo-ն։

«Ինտերի» հիմնական հարձակվող, 22-ամյա արգենտինացի Լաուտարո Մարտինեսը մոտ է Իսպանիայի չեմպիոն «Բարսելոնա» տեղափոխվելուն։ Ուրուգվայցի Էդինսոն Կավանիի եւ գերմանացի Տիմո Վերների տրանսֆերների ուղղությամբ հաջողություն չունենալու պատճառով «Ինտերը» կաշխատի Լյակազեթի տրանսֆերի վրա։

Ընթացիկ մրցաշրջանում Լյակազեթը «Արսենալի» հետ բոլոր մրցաշարերում մասնակցել է 26 հանդիպման, խփել 9 գոլ։ Նրա տրանսֆերը գնահատվում է 48 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում