Մադրիդի «Ռեալը» հրաժարվել է անգլիական «Մանչեսթեր Յունայթեդի» և Ֆրանսիայի ազգային հավաքականի կիսապաշտպան Պոլ Պոգբային ձեռք բերելու մտքից, տեղեկացնում է Daily Mail-ը:
Արքայական ակումբի ղեկավարությունը հայտնել է Պոգբային, որ պատրաստ չէ վճարել նրա պահանջած աշխատավարձը՝ տարեկան 16 միլիոն եվրո:
27-ամյա կիսապաշտպանի գործակալ Մինո Ռայոլայի հետ բանակցություններ վարում է նաև ֆուտբոլիստի նախկին ակումբը՝ Թուրինի «Յուվենտուսը»:
Պոլ Պոգբայի պայմանագիրը «Մանչեսթեր Յունայթեդի» հետ նախատեսված է մինչև 2021 թվականի հունիս:
Պոգբան «Յուվենտուսում» հանդես է եկել 2012-2016 թվականներին։ «Մանչեսթեր Յունայթեդը» նրա համար վճարել է 105 միլիոն եվրո։
Հետևեք NEWS.am SPORT-ին Facebook-ում, Twitter և Telegram-ում