12:15  ,  30 մայիսի, 2020

Սուարես. Կորոնավիրուսն օգնեց ինձ ապաքինվել վնասվածքից

Կատալոնական «Բարսելոնայի» և Ուրուգվայի ազգային հավաքականի հարձակվող Լուիս Սուարեսը հայտարարել է, որ լիովին ապաքինվել է վնասվածքից և պատրաստ է խաղադաշտ դուրս գալ:

«Կորոնավիրուսն օգնեց ինձ ապաքինվել վնասվածքից: Ես այժմ լիովին ապաքինվել եմ և պատրաստ եմ խաղադաշտ դուրս գալ:

Ուրախ եմ, որ հնարավորություն ունեմ ընթացիկ մրցաշրջանի վճռորոշ հատվածում օգտակար լինել իմ թիմին»,- Սուարեսի խոսքը փոխանցում է Sport.es-ը:

Հիշեցնենք, որ կորոնավիրուսի պանդեմիայի պատճառով Իսպանիայում ֆուտբոլային մրցաշրջանը դադարեցված է մարտի կեսերից:

Իսպանիայի առաջնությունը կվերսկսվի հունիսի 11-ին: Իսպանական թիմերը մայիսի 18-ին վերսկսել են մարզումներն ընդհանուր խմբում:

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English