Թուրինի «Յուվենտուսի» ղեկավարությունը ցանկանում է ձեռք բերել կատալոնական «Բարսելոնայի» և Նիդերլանդների ազգային հավաքականի կիսապաշտպան Ֆրենկի դե Յոնգին, տեղեկացնում է Football Italia-ն:
«Յուվենտուսը» ցանկանում է թիմի կիսապաշտպան Միրալեմ Պյանիչի՝ «Բարսելոնա» տեղափոխության գործարքում ընդգրկել նաև 23-ամյա Դե Յոնգին:
«Բարսելոնան» չի ցանկանում հրաժարվել Դե Յոնգի ծառայություններից: Ինքը՝ Դե Յոնգը ևս մտադիր չէ հեռանալ Իսպանիայի չեմպիոնի կազմից:
Ավելի վաղ հայտնի էր դարձել, որ «Բարսելոնան» համաձայնության է եկել Միրալեմ Պյանիչի հետ ֆուտբոլիստի անձնական պայմանագրի կետերի հարցում: Պյանիչը կատալոնական թիմում պետք է փոխարինի խորվաթ կիսապաշտպան Իվան Ռակիտիչին:
Հետևեք NEWS.am SPORT-ին Facebook-ում, Twitter և Telegram-ում