Անգլիական «Մանչեսթեր Յունայթեդի» գլխավոր մարզիչ Ուլե-Գունար Սուլշերը մեկնաբանել է թիմի նիգերիացի հարձակվող Օդիոն Իգալոյի՝ Չինաստան վերադառնալու մասին խոսակցությունները:
«Իգալոյի վարձակալական պայմանագրի ժամկետը նախատեսված է մինչև մայիսի վերջ, ինչը նշանակում է, որ նա պարտավոր է վերդառնալ «Շանհայ Շենհուա»:
Հուսով եմ, որ մենք կկարողանանք համաձայնության գալ Իգալոյի ակումբի հետ, և նա հնարավորություն կունենա տիտղոս նվաճել «Մանչեսթեր Յունայթեդում»»,- Սուլշերի խոսքը փոխանցում է մանչեսթերյան ակումբի մամուլի ծառայությունը:
Ավելի վաղ տեղեկացրել ենք, որ «Շանհայ Շենհուան» մերժել է «Մանչեսթեր Յունայթեդի» առաջարկը և պահանջել է, որպեսզի Իգալոն հունիսի 1-ին միանա թիմին:
Հետևեք NEWS.am SPORT-ին Facebook-ում, Twitter և Telegram-ում