20:42  ,  23 մայիսի, 2020

«Բորուսիայի» ղեկավար․ Մարիո Գյոտցեն կհեռանա ամռանը

Դորտմունդի «Բորուսիայի» տնօրենների խորհրդի նախագահ Միխայել Ցորկը հայտնել է, որ գերմանացի կիսապաշտպան Մարիո Գյոտցեն ամառային տրանսֆերային պատուհանի ժամանակ կհեռանա ակումբից։

«Մարիոն կլքի մեր թիմն ամռանը։ Երկու կողմերի քննարկումների արդյունքում է ընդունվել այս որոշումը»,- Ցորկի խոսքը մեջբերում է Sky Germany-ին։

27-ամյա ֆուտբոլիստի ծառայություններով հետաքրքրված են իտալական «Ռոման» ու «Լացիոն»։

Մարիո Գյոտցեն Դորտմունդի «Բորուսիայի» սան է, որի կազմում հադես է եկել 2008-2013-ին, այնուհետեւ երեք մրցաշրջան Մյունխենի «Բավարիայում» խաղալուց հետո վերադարձել է Դորտմունդ։ Գերմանիայի ընթացիկ առաջնությունում Գյոտցեն մասնակցել է 14 հանդիպման, խփել 3 գոլ։

Հետևեք NEWS.am SPORT-ին Facebook-ում, Twitter և Telegram-ում