Կորոնավիրուսի պանդեմիայի հետեւանքով դադարեցված ֆուտբոլի Հայաստանի առաջնությունը վերսկսվեց։
Բարձրագույն խմբի 18-րդ տուրի խաղում Գյումրիի «Շիրակն» ընդունեց Վանաձարի «Լոռիին» եւ պարտություն կրեց 1։2 հաշվով։
«Լոռին» հաշիվը բացեց 40-րդ րոպեին։ Աչքի ընկավ արգենտինացի հարձակվող Ագուստին Մասիերոն։ 69-րդ րոպեին հյուրերի առավելությունը կրկնապատկեց պաշտպան Արման Մկրտչյանը։
«Շիրակից» հաշվի տարբերությունը կրճատեց առաջնության լավագույն ռմբարկու, կոտդիվուարցի հարձակվող Մորի Կոնեն, որը 14-րդ գոլը խփեց։
«Լոռին» 32 միավորով երկրորդ տեղում է եւ 1 միավոր հետ է չեմպիոն «Արարատ-Արմենիայից», որն այս տուրում մայիսի 23-ին կհյուրընկալվի «Փյունիկին»։ Հանդիպումը կմեկնարկի 18։15-ին։ «Շիրակը» 28 միավորով չորրորդ տեղում է։
Հիշեցնենք, որ հանդիպումները մինչեւ մրցաշրջանի ավարտն անցկացվելու են առանց հանդիսականների։
Հայաստանի առաջնություն, 18-րդ տուր
«Շիրակ» - «Լոռի»՝ 1։2
Մորի Կոնե, 72 - Ագուստին Մասիերո, 40, Արման Մկրտչյան, 69
Հետևեք NEWS.am SPORT-ին Facebook-ում, Twitter և Telegram-ում