Ֆուտբոլի Իսպանիայի առաջնությունները կվերսկսվեն հունիսի 8-ից: Այս մասին հայտարարել է Իսպանիայի վարչապետ Պեդրո Սանչեսը:
«Եկել է ժամանակը վերադառնալու մեր բնականոն կյանքին: Դրա համար անհրաժեշտ պայմաններից մեկը երկրում ֆուտբոլային առաջնությունների վերսկսումն է, ինչը հնարավոր կլինի հունիսի 8-ից»,- Իսպանիայի վարչապետի խոսքը փոխանցում է Marca-ն:
Իսպանական թիմերը մայիսի սկզբից անհատական ծրագրերով մարզումներ էին անցկացնում մարզաբազաներում: Մայիսի 18-ից թիմերը վերսկսել էին մարզումներն ընդհանուր խմբով:
Հետևեք NEWS.am SPORT-ին Facebook-ում, Twitter և Telegram-ում