Անգլիական «Չելսիի» նախկին գլխավոր մարզիչ Կառլո Անչելոտին խոսել է լոնդոնյան ակումբի նախկին ֆուտբոլիստ Ջոն Թերիի մասին:
«Թերին հրաշալի աշխատանք է կատարում «Աստոն Վիլայում»: Նա գլխավոր մարզիչի օգնականն է և կարողանում է մեծ օգուտ բերել թիմին:
Դեռ ֆուտբոլիստ լինելու տարիներին Թերին անհավանական կերպով հասկանում էր մարզչական աշխատանքի շատ նրբություններ: Վստահ եմ, որ նա հիանալի մարզիչ կլինի»,- Անչելոտիի խոսքը փոխանցում է Sky Sports-ը:
Հիշեցնենք, որ Կառլո Անչելոտին «Չելսիի» գլխավոր մարզիչի պաշտոնը զբաղեցրել է 2009-2011 թվականներին:
Հետևեք NEWS.am SPORT-ին Facebook-ում, Twitter և Telegram-ում