Անգլիական «Լիվերպուլի» նախկին ֆուտբոլիստ Ջեմի Կարագերը կարծում է, որ «Լիվերպուլն» առանց Տիմո Վերների էլ կկարողանա հաջորդ մրցաշրջանում լուրջ հավակնություններ ներկայացնել:
«Կորոնավիրուսի պատճառով ակումբները լուրջ ֆինանսական կորուստներ են կրել: Բացառություն չէ նաև «Լիվերպուլը»:
«Լիվերպուլը» շատ բան չի կորցնի, եթե չկարողանա պայմանագիր կնքել Վերների հետ: Ակումբում կան շատ ուժեղ հարձակվողներ, որոնք կարող են արդյունք ապահովել»,- Կարագերի խոսքը փոխանցում է Goal.com-ը:
Գերմանական «Լայպցիգի» և Գերմանիայի ազգային հավաքականի հարձակվող Տիմո Վերների ծառայություններով հետաքրքրված է նաև Միլանի «Ինտերը», որն արդեն բանակցություններ է սկսել ֆուտբոլիստի ներկայացուցիչների հետ:
Հետևեք NEWS.am SPORT-ին Facebook-ում, Twitter և Telegram-ում