Հայտնի իտալացի մարզիչ Ֆաբիո Կապելոն խոսել է Միլանի «Ինտերի» արգենտինացի հարձակվող Լաուտարո Մարտինեսի ապագայի շուրջ ստեղծված իրավիճակի մասին:
«Լաուտարո Մարտինեսը հրաշալի ֆուտբոլիստ է, սակայն դեռ պատրաստ չէ տեղափոխվել «Բարսելոնա»: Նա դեռ երիտասարդ է և շատ աշխատելու տեղ ունի:
Այնուամենայնիվ, եթե Մարտինեսը որոշի պայմանագիր կնքել «Բարսելոնայի» հետ, նա չի կարողանալու մրցակցել Լուիս Սուարեսի հետ և նստելու է պահեստայինների նստարանին»,- Կապելոյի խոսքը փոխանցում է Goal.com-ը:
Ավելի վաղ հայտնի էր դարձել, որ անձնական պայմանագրի կետերի հարցում «Բարսելոնան» արդեն համաձայնության է եկել 22-ամյա Լաուտարո Մարտինեսի հետ:
Հետևեք NEWS.am SPORT-ին Facebook-ում, Twitter և Telegram-ում