13:40  +04,  18 մայիսի, 2020

«Բացահայտելով տաղանդների». Հայ պաշտպանը Շվեդիայից (ֆոտո)

NEWS.am Sport-ը շարունակում է ներկայացնել արտերկրում հանդես եկող պատանի հայ ֆուտբոլիստների, որոնք ցանկանում են ապագայում ներկայացնել Հայաստանի ազգային հավաքականը։

Շվեդական Falkenbergs FF ակումբի Մ-19 տարեկանների պատանեկան թիմի ավագը հայ կենտրոնական պաշտպան Էդգար Խաչատրյանն է:

«Ծնվել եմ 2001 թվականի փետրվարին Դանիայում: Իմ ընտանիքը Շվեդիա է տեղափոխվել, երբ ես դեռ երեխա էի: Իմ հասակը 191 սմ է, խաղում եմ կենտրոնական պաշտպանի դիրքում:

Ֆուտբոլով սկսել եմ զբաղվել 8 տարեկանից Köping FF ակումբում: 2 տարի անց տեղափոխվել եմ Landskrona BoIS, որտեղ խաղացել եմ մինչև 12 տարեկանը: Կարիերայիս սկզբնական շրջանում խաղացել եմ նաև կիսապաշտպանությունում, ինչի շնորհիվ ունեմ նաև հարձակողական հմտություններ:

Landskrona BoIS-ում ինձ նկատեցին Falkenbergs FF-ի սկաուտները, որտեղ խաղում եմ մինչ օրս: Իմ ակումբը ներկայացնում է Շվեդիայի Բարձրագույն խումբը՝ Allsvenskan-ը: Ես Մ-19 տարեկանների թիմի ավագն եմ, պարբերաբար խաղում են նաև Մ-21 տարեկանների երիտասարդական թիմում և մարզվում գլխավոր թիմի հետ:

Նախորդ տարի Falkenbergs FF-ի պատանեկան թիմի կազմում դարձել եմ Շվեդիայի առաջնության չեմպիոն: 22 խաղերից պարտվել ենք միայն 1-ում՝ խփելով ավելի քան 70 և բաց թողնելով 18 գոլ:

Հաշվի առնելով այն, որ ես Շվեդիայում հանդես եմ գալիս բավականին բարձր մակարդակում և իմ թիմի առանցքային խաղացողներից մեկն եմ՝ կարծում եմ, որ արժանի եմ հրավեր ստանալ Հայաստանի երիտասարդական հավաքականից: Կապի մեջ եմ Հայաստանի ֆուտբոլի ֆեդերացիայի ներկայացուցիչների հետ: Հայաստանի հավաքականից հրավեր ստանալը մեծ պատիվ ու երազանքի իրականացում կլինի ինձ համար: Շատ շնորհակալ եմ Ձեր հետաքրքրության և հարցազրույցի համար»,- նշել է Էդգար Խաչատրյանը:

Սամվել Սուքիասյան 

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով



  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ