11:56  ,  29 ապրիլի, 2020

Իսպանական ակումբները մայիսի 4-ից կվերսկսեն մարզումները

Իսպանական ակումբներն արդեն հաջորդ շաբաթ հնարավորություն կունենան վերսկսել մարզումները: Այս մասին հայտարարել է անձամբ Իսպանիայի վարչապետը:

«Ֆուտբոլիստները կարող են մայիսի 4-ից վերսկսել մարզումները: Նրանք 2 շաբաթ կմարզվեն անհատական ծրագրով, իսկ արդեն մայիսի 18-ից կարող են վերսկսել մարզումները խմբերով:

Իսպանիայի առաջնության վերսկսման ժամկետի վերաբերյալ դեռ ընդունված որոշում չկա»,- Իսպանիայի վարչապետի խոսքը մեջբերում է AS-ը:

Իսպանական ԶԼՄ-ները հայտնում են, որ երկրում ֆուտբոլային մրցաշրջանը նախատեսվում է վերսկսել հունիսի 5-ից:

Հետևեք NEWS.am SPORT-ին Facebook-ում, Twitter և Telegram-ում