Բասկետբոլի ազգային ասոցիացիան ակումբներին թույլ կտա մայիսի 8-ից որոշ նահանգներում վերսկսել մարզումները, տեղեկացնում է կազմակերպության մամուլի ծառայությունը:
Սկզբնական փուլում բասկետբոլիստները կմարզվեն փոքր խմբերով, իսկ թիմային աշխատանքը դեռ արգելված կլինի:
Բասկետբոլի ազգային ասոցիացիայի կանոնավոր առաջնությունը դադարեցվել է մարտի 11-ին, «Յուտայի» բասկետբոլիստների մոտ կորոնավիրուս ախտորոշվելուց հետո։
Բասկետբոլի ազգային ասոցիացիայում այժմ քննարկում են կորոնավիրուսի պանդեմիայի հետեւանքով դադարեցված առաջնությունը մեկ քաղաքում առանց հանդիսականների շարունակելու տարբերակը։
Միացե՜ք NEWS.am Sport-ի Instagram-ի պաշտոնական էջին:
Հետևեք NEWS.am SPORT-ին Facebook-ում, Twitter և Telegram-ում