Թենիսի 2020 թվականի մրցաշրջանը վերսկսելու հնարավորությունը կքննարկվի միայն օգոստոսի 3-ից հետո, հայտնում է Marca-ն:
Նման որոշում ընդունել են թենիսի մրցաշարերի կազմակերպիչները, որոնք վստահ են, որ միայն այդ դեպքում հնարավոր կլինի մրցաշարերն անցկացնել առանց ֆինանսական կորուստների:
Ապրիլի 1-ին հայտնի էր դարձել, որ 1945 թվականից հետո առաջին անգամ Ուիմբլդոնի մրցաշարն այս տարի չի անցկացվի։ Այն նախատեսված էր հունիսի 29-ից հուլիսի 12-ը։
Ավելի վաղ Պրոֆեսիոնալ թենիսիստների ասոցիացիան (АТР) և Կանանց թենիսի ասոցիացիան (WTA) հայտարարել էին թենիսի մրցաշրջանը մինչև հուլիսի 13-ը հետաձգելու մասին:
Հետևեք NEWS.am SPORT-ին Facebook-ում, Twitter և Telegram-ում