Ֆրանսիական ՊՍԺ-ի ղեկավարությունը վստահ է, որ թիմի բրազիլացի հարձակվող Նեյմարն ամառային տրանսֆերային պատուհանի ընթացքում չի հեռանա ակումբից:
Mundo Deportivo-ն տեղեկացնում է, որ ՊՍԺ-ի հաշվարկներով՝ կորոնավիրուսի պանդեմիայի պատճառով առաջացած ֆինանսական խնդիրների պատճառով ոչ մի թիմ չի կարողանա վճարել 28-ամյա ֆուտբոլիստի ամբողջ հրաժարագինը՝ 150 միլիոն եվրո:
Նեյմարի տեղափոխությամբ հետաքրքրված է նրա նախկին ակումբը՝ կատալոնական «Բարսելոնան», որը 28-ամյա ֆուտբոլիստի տեղափոխության գործարքում ՊՍԺ-ին կառաջարկի ընգրկել ֆրանսիացի հարձակվող Անտուան Գրիզմանին:
Նեյմարի պայմանագիրը ՊՍԺ-ի հետ նախատեսված է մինչև 2022 թվականի հունիս:
Հետևեք NEWS.am SPORT-ին Facebook-ում, Twitter և Telegram-ում