Դորտմունդի «Բորուսիայի» գերմանացի կիսապաշտպան Մարիո Գյոտցեն ակնարկել է, որ ընթացիկ մրցաշրջանի ավարտից հետո նոր ակումբ է տեղափոխվելու:
«Երկար մտածելուց հետո որոշել եմ փոփոխություն մտցնել իմ կարիերայում: Ես նոր գործակալ եմ վարձել և սպասում եմ նրա հետ համագործակցության մեկնարկին:
Իմ ապագայի վերաբերյալ ամեն ինչ պարզ կդառնա, երբ պանդեմիան ավարտիվ»,- Գյոտցեի խոսքը փոխանցում է Daily Mail-ը:
«Բորուսիան» նոր պայմանագիր է առաջարկել գերմանացի ֆուտբոլիստին, սակայն Գյոտցեն հրաժարվել է բանակցություններից, քանի որ նոր պայմանագրով ստանալու էր 3 միլիոն եվրոյով ավելի քիչ աշխատավարձ, քան հիմա:
27-ամյա կիսապաշտպանի պայմանագիրը դորտմունդյան ակումբի հետ նախատեսված է մինչև 2020 թվականի հունիս, ինչը նշանակում է, որ Գյոտցեն մրցաշրջանի ավարտից հետո կհեռանա «Բորուսիայից»:
Հետևեք NEWS.am SPORT-ին Facebook-ում, Twitter և Telegram-ում