Անգլիական «Լիվերպուլի» գլխավոր մարզիչ Յուրգեն Կլոպը թիմի սենեգալցի հարձակվող Սադիո Մանեի մասին պատմող վավերագրական ֆիլմում վերհիշել է 27-ամյա հարձակվողի հետ առաջին հանդիպումը:
«Հիշում եմ Մանեի հետ առաջին հանդիպումը: Այդ ժամանակ ես դեռ «Բորուսիայի» գլխավոր մարզիչն էի, իսկ Մանեն խաղում էր «Զալցբուրգում»: Նկատեցի բեյսբոլի գլխարկով մի տղայի, որն ավելի շատ նման էր ռեփերի: Այդ պահին մտածեցի, որ ինձ երբեք այսպիսի ֆուտբոլիստ հարկավոր չի լինի:
Այնուամենայնիվ, կարծում եմ, որ մարդկանց հարցում սխալվելը երբեմն արդարացված է: Հետևեցի Մանեի կարիերային և հիմա նա աշխարհի լավագույն ֆուտբոլիստներից մեկն է»,- ասել է Կլոպը:
Հիշեցնենք, որ Սադիո Մանեն «Լիվերպուլ» է տեղափոխվել 2016 թվականին՝ «Սաութհեմփթոնից»:
Հետևեք NEWS.am SPORT-ին Facebook-ում, Twitter և Telegram-ում