ՈւԵՖԱ-ն մտադիր է Չեմպիոնների լիգայի մրցաշրջանն ավարտել օգոստոսի 3-ից ոչ ուշ։ Այդ մասին հայտարարել է կազմակերպության նախագահ Ալեքսանդր Չեֆերինը։
«Մնացած հանդիպումները կարելի է անցկացնել գործող համակարգով, կարելի է անցկացնել մեկ հանդիպում մրցակիցներից մեկի խաղադաշտում կամ չեզոք խաղադաշտում։
Հիմա այս ամենը տեսական են, քանի որ մենք գործ ունենք արտակարգ դրության հետ։ Բայց Չեմպիոնների լիգան պետք է ավարտվի մինչեւ օգոստոսի 3-ը։ Մենք պետք է լինենք ճկուն։ Այժմ քննարկում ենք Չեմպիոնների լիգան մայիսին, հունիսին կամ հուլիսին վերսկսելու տարբերակները»,- Չեֆերինի խոսքը մեջբերում է Mundo Deportivo-ն։
Եվրագավաթային մրցաշարերը դադարեցված են կորոնավիրուսի պանդեմիայի հետեւանքով։
Հետևեք NEWS.am SPORT-ին Facebook-ում, Twitter և Telegram-ում