Լոնդոնի «Տոտենհեմի» հարավկորեացի հարձակվող Սոն Հին Մինը լքել է Անգլիան, որտեղ կորոնավիրուսի պանդեմիայի պատճառով հայտարարված է կարանտին։
27-ամյա ֆուտբոլիստը մեկնել է հայրենիք։ Նա չորս շաբաթ կմասնակցի զորահավաքային վարժանքների, հաղորդում է The Sun-ը։
Սոն Հին Մինը կոտրվածք էր ստացել փետրվարի 16-ին, սակայն արդեն վերականգնվել է վնասվածքից հետո։
Հարավային Կորեայի զինապարտության օրենքով մինչեւ 28 տարեկան տղամարդիկ պետք է ծառայեն 21 ամիս։ 2018 թվականին Սոն Հին Մինը Հարավային Կորեայի հավաքականի հետ դարձավ Ասիական խաղերի չեմպիոն, ինչի շնորհիվ ազատվեց զինծառայությունից։
Հետևեք NEWS.am SPORT-ին Facebook-ում, Twitter և Telegram-ում