Իսպանական Marca-ն հարցում է անցկացրել՝ պարզելու բոլոր ժամանակների լավագույն ֆուտբոլիստին։ Եզրափակիչ են դուրս եկել Իտալիայի չեմպիոն Թուրինի «Յուվենտուսի» պորտուգալացի հարձակվող Կրիշտիանու Ռոնալդուն եւ Իսպանիայի չեմպիոն «Բարսելոնայի» արգենտինացի հարձակվող Լիոնել Մեսին։
Լավագույնն է ճանաչվել Ռոնալդուն։ Մադրիդի «Ռեալի» նախկին առաջատարը ստացել է 246 հազար ձայն։ Մեսիի օգտին քվեարկել է 209 հազար ընթերցող։
Եզրափակիչի ճանապարհին Ռոնալդուն գերազանցել է Պաոլո Մալդինիին, Զինեդին Զիդանին եւ Դիեգո Մարադոնային։
Մեսին հետ է թողել Ֆերենց Պուշկաշին, Ալֆրեդո Դի Ստեֆանոյին եւ Ռոնալդոյին։ Երրորդ տեղի համար քվեարկությունում Ռոնալդոն առաջ է անցել Մարադոնայից։
Հետևեք NEWS.am SPORT-ին Facebook-ում, Twitter և Telegram-ում