Կատալոնական «Բարսելոնայի» և Արգենտինայի ազգային հավաքականի հարձակվող Լիոնել Մեսին նշել է իր կարծիքով ֆուտբոլի 15 ամենահեռանկարային ֆուտբոլիստներին:
«Տրենտ Ալեքսանդր-Առնոլդ («Լիվերպուլ») - տպավորիչ խաղ ցուցադրող պաշտպան, նրան մեծ ապագա է սպասվում:
Կրիստիան Պուլիշիչ («Չելսի») - նրա հավասարակշռությունն ու ճկունությունը տպավորիչ են
Մեյսոն Մաունտ («Չելսի») - հետևել եմ նրա մասնակցությամբ հանդիպումներին, նա կարող է դառնալ աշխարհի լավագույն ֆուտբոլիստներից մեկը
Ֆիլ Ֆոդեն («Մանչեսթեր Սիթի») - նա մեծ տաղանդի տեր ֆուտբոլիստ է, որը անհավանական բաներ է անելու խաղադաշտում
Ջեյդոն Սանչո («Բորուսիա Դ.»)- տպավորիչ է, թե ինչպես է նա շրջանցում պաշտպաններին
Լուկա Յովիչ («Ռեալ Մադրիդ») - հրաշալի ֆուտբոլիստ, որն անհավանական բաներ է անում խաղադաշտում
Կայ Հավերց («Բայեր Լևերկուզեն») - տարիքի համեմատ նա շատ հասուն ֆուտբոլ է խաղում
Էդեր Միլիտաո («Ռեալ Մադրիդ») - ֆենոմենալ տաղանդ և փայլուն մրցակից
Ուսման Դեմբելե («Բարսելոնա») - նրա արագությունն, իրոք, վախեցնող է
Ուսեմ Աուա («Լիոն») - տեխնիկապես հարուստ ֆուտբոլիստ, որը շատ հանգիստ է իրեն զգում գնդակով
Ֆրենկի դե Յոնգ («Բարսելոնա»)- տպավորված եմ նրա կատարած փոխանցումներից
Ժոաու Ֆելիշ («Աթլետիկո Մ.») - աշխարհի լավագույն երիտասարդ ֆուտբոլիստներից մեկը
Կիլիան Մբապե (ՊՍԺ)- արագաշարժ ֆուտբոլիստ, որը կարողանում է հաջող եզրափակել գրոհները
Ջոշուա Կիմիխ («Բավարիա») - մեծ տաղանդի տեր պաշտպան
Բենժամին Պավար («Բավարիա») - կլասիկ պաշտպան, որի դեմ շատ դժվար է խաղալ»,- Մեսիի խոսքը փոխանցում է Give me Sport-ը:
Նշենք, որ ընթացիկ մրցաշրջանում Լիոնել Մեսին «Բարսելոնայի» կազմում մասնակցել է 29 հանդիպման, խփել 22 գոլ, կատարել 12 գոլային փոխանցում:
Հետևեք NEWS.am SPORT-ին Facebook-ում, Twitter և Telegram-ում