Իսպանիայի Լա Լիգայի ղեկավարությունը քննարկում է մրցաշրջանի վերսկսման կամ չեղարկման մի քանի սցենարներ։ Եթե կորոնավիրուսի պանդեմիան առաջիկա ամիսներին չհաղթահարվի եւ ֆուտբոլի Իսպանիայի առաջնությունը չվերսկսվի մինչեւ հունիսի 27, ապա մրցաշրջանի արդյունքները կչեղարկվեն, հաղորդում է Marca-ն։
Ապրիլին կամ մայիսին առաջնության վերսկսման հավանականությունը գնահատվում է գրեթե անիրատեսական։
Վերսկսման դեպքում, չի բացառվում նաեւ անցկացնել շաբաթական երեք հանդիպում։
Իսպանիայի առաջնությունը դադարեցված է մարտի 23-ից։ 27 տուրից հետո 58 միավորով առաջատարը «Բարսելոնան» է։ Երկրորդ տեղում ընթացող «Ռեալն» ունի 56 միավոր։
Հետևեք NEWS.am SPORT-ին Facebook-ում, Twitter և Telegram-ում