Որքան ընդհանուր հետաքրքրություններ ունեիք. Աշխարհը սգում է Արոնյանի կնոջ մահը

Հայաստանի առաջատար գրոսմայստեր, ՖԻԴԵ-ի աշխարհի գավաթակիր Լևոն Արոնյանի կնոջ՝ Արիանա Կաոիլիի մահվան կապակցությամբ Արոնյանին ցավակցական ուղերձներ են հղել ՀՀ բարձրաստիճան պաշտոնյաներ, գրոսմայստերներ, ֆուտբոլային ակումբներ և շատ այլ անձինք ու կազմակերպություններ:

«Հարգելի Լևոն, մեր խորին ցավակցությունները: Արիանային ճանաչում էինք դեռ այն ժամանակից, երբ նա երիտասարդ աղջիկ էր, որը հետագայում դարձավ քո կինը: Նա միշտ ընկերասեր և պարկեշտ անձնավորություն էր: Որքան ընդհանուր հետաքրքրություններ ունեիք: Մեր աղոթքներն ու մտքերը ձեզ հետ են»,- Թվիթերի իր էջում գրել է հնդիկ գրոսմայստեր Վիշվանաթան Անանդը:

Dearest Levon. Our deepest condolences. We knew Arianne since she was a young girl and later on became your wife. She always was so friendly and polite. She had so many interests that both of you shared. Our prayers and thoughts are with you.

— Viswanathan Anand (@vishy64theking) March 31, 2020

«Մեր խորին ցավակցություններ ենք հղում Լևոն Արոնյանին կնոջ՝ Արիանա Կաոիլիի մահվան կապակցությամբ: Բառերը չեն կարող նկարագրել այն վիշտը, որը զգում ենք հիմա»,- ասված է շախմատի միջազգային ֆեդերացիայի՝ ՖԻԴԵ-ի տարածած հայտարարության մեջ:

Our deepest condolences to @LevAronian for the loss of his wife Arianne... No words can describe our shock and grief.
In our hearts, we send all the strength in the world to Levon, the couple's family, and friends. https://t.co/r2JdSW7QXY

— International Chess Federation (@FIDE_chess) March 30, 2020

«Անչափ ցավում եմ կորստի համար, Լև»,- գրել է ամերիկացի գրոսմայստեր Ֆաբիանո Կարուանան:

I'm so sorry for your loss Lev.

— Fabiano Caruana (@FabianoCaruana) March 30, 2020

«Խոսքեր չկան: Շատ եմ ցավում»,- գրել է աշխարհի չեմպիոն Մագնուս Կարլսենը:

No words. So sorry to hear

— Magnus Carlsen (@MagnusCarlsen) March 30, 2020

I am so sorry... my deepest condolences...

— Sergey Karjakin (@SergeyKaryakin) March 30, 2020

Боже мой... Держись. Соболезную

— Yan Nepomniachtchi (@lachesisq) March 30, 2020

I have no words to express my sorrow... Stay strong, Leva.

— Pavel Eljanov (@Eljanov) March 30, 2020

Լևոն Արոնյանի կնոջ` Արիանա Կաոիլիի հոգեհանգիստը տեղի կունենա ապրիլի 1-ին, ժամը 18:00-ին Խաղաղ Դոնի 2/14 հասցեում գտնվող Էրեբունի սգո սրահում: Հուղարկավորությունը` ապրիլի 2-ին, ժամը 14:00-ին՝ նույն վայրից:

Հիշեցնենք, որ Արոնյանի կինը երեկ «Աստղիկ» բժշկական կենտրոնում մահացել էր։

Ավելի վաղ հաղորդել էինք, որ վթարից հետո «Աստղիկ» բժշկական կենտրոն տեղափոխված Արիանա Կաոիլին նորից վերակենդանացման բաժանմունք է տեղափոխել, քանի որ նրա թոքերի հետ կապված խնդիրներ էին առաջացել։

Արիանա Կաոիլին մարտի 14-ին վթարի էր ենթարկվել Երեւանում: Ժամը 23:50-ի սահմաններում, իր Lexus մակնիշի ավտոմեքենայով նա Սեբաստիա փողոցում բախվել էր «Երեքնուկի» կամրջի բետոնե հենասյանը:

Դրանից հետո նա մի քանի վիրահատության էր ենթարկվել։

Արիանա Կաոիլին 33 տարեկան էր։ Ֆիլիպինյան ծագումով ավստրալացի շախմատիստուհին ՖԻԴԵ-ի կանանց միջազգային վարպետ էր, 2016 թվականից՝ Երեւանում լույս տեսնող «Ճամփորդ» շաբաթաթերթի գլխավոր խմբագիրը։ 2017 թվականի նոյեմբերի 21-ին Կարեն Կարապետյանը նրան նշանակել էր ՀՀ վարչապետի խորհրդական` հասարակական հիմունքներով։

Լեւոն Արոնյանն ու Արիանա Կաոիլին ամուսնացել էին 2017թ.։

Հետևեք NEWS.am SPORT-ին Facebook-ում, Twitter և Telegram-ում