14:22  +04,  29 մարտի, 2020

Ռիո Ֆերդինանդ․ Պրեմյեր լիգայի այս մրցաշրջանը պետք է համարել չկայացած

«Մանչեսթեր Յունայթեդի» նախկին ավագ Ռիո Ֆերդինանդը հայտարարել է, որ անգլիական Պրեմյեր լիգայի ընթացիկ մրցաշրջանը պետք է համարել չկայացած, եթե մինչեւ հիմա չկա որոշում շարունակելու կամ ավարտելու մասին։

«Ֆուտբոլն ընդամենը խաղ է, ինչքան էլ լուրջ վերաբերվենք դրան։ Շատ ավելի կարեւոր է, թե ինչ է տեղի ունենում հասարակությունում։ Պրեմյեր լիգայի մրցաշրջանի վերաբերյալ ես ունեմ հստակ դիրքորոշում․ եթե Պրեմյեր լիգայի ղեկավարությունը չունի անհապաղ որոշում, ապա այս մրցաշրջանի արդյունքները պետք է չեղարկել, առաջնությունը համարել չկայացած։

«Լիվերպուլի» երկրպագուները կասեն, թե ես չեմ ցանկանում, որ նրանց սիրելի թիմը հռչակվի չեմպիոն, բայց եթե իմ թիմն էլ լիներ այս իրավիճակում, առաջին հերթին կմտածեի մարդկանց առողջության մասին։ Կարծում եմ՝ ղեկավարներն ավելի լավ են հասկանում այս մրցաշրջանի արդյունքները չեղարկելու անհրաժեշտությունը։ Միշտ էլ կլինեն ամեն որոշումից դժգոհներ»,- ասել է Ֆերդինանդը BT Sport-ի եթերում։

Հիշեցնենք, որ 29 տուրից հետո «Լիվերպուլը» 82 միավորով գլխավորում է մրցաշարային աղյուսակը։ Երկրորդ տեղում ընթացող «Մանչեսթեր Սիթին» 28 խաղից հետո ունի 57 միավոր։

Մրցաշրջանի վերսկսումը սպասվում է հունիսին։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ