15:12  +04,  28 մարտի, 2020

Բեյլ, Խամես և ևս 2 ֆուտբոլիստ, որոնց «Ռեալը» պատրաստվում է հրաժեշտ տալ

Մադրիդի «Ռեալի» ղեկավարությունը որոշել է ամառային տրանսֆերային պատուհանի ընթացքում հրաժեշտ տալ թիմի առնվազն 4 ֆուտբոլիստի:

AS-ի տեղեկություններով՝ Արքայական ակումբից կհեռանան ուելսցի կիսապաշտպան Գարեթ Բեյլը, կոլումբացի կիսապաշտպան Խամես Ռոդրիգեսը, իսպանացի կիսապաշտպան Լուկաս Վասկեսը և Իսպանիայի քաղաքացիություն ունեցող հարձակվող Մարիանո Դիասը:

Վարձակալությամբ այլ թիմերում հանդես եկող ֆուտբոլիստներից «Ռեալ» կարող են վերադառնալ Մարտին Էդեգորը («Ռեալ Սոսյեդադ») և Աշրաֆ Հակիմին («Բորուսիա Դորտմունդ»):

Ավելի վաղ հայտնի էր դարձել, որ «Ռեալի» առաջնահերթ տրանսֆերային նպատակը Դորտմունդի «Բորուսիայի» նորվեգացի հարձակվող Էրլինգ Հոլանդն է:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ