Միջազգային օլիմպիական կոմիտեի նախագահ Թոմաս Բախը հայտարարել է, որ 2020թ. ամառային Օլիմպիական խաղերը, որոնք կորոնավիրուսի պանդեմիայի պատճառով հետաձգվեցին, կարող են անցկացվել 2021թ. գարնանը:
«Ճապոնիայի իշխանությունների հետ մենք համաձայնության ենք եկել Օլիմպիական խաղերը մինչև 1 տարի ժամկետով հետաձգելու հարցում: Հետևաբար, խաղերը կարող են անցկացվել նաև հաջորդ գարնանը: Այս պահին քննարկում ենք բոլոր հնարավոր տարբերակները և կընտրենք դրանցից լավագույնը:
Հաջորդ տարի անցկացվելիք Օլիմպիական խաղերը կտարբերվեն նախորդ բոլոր խաղերից: Տոկիո-2020-ը կխորհրդանշի մարդկության հաղթանակը կորոնավիրուսի նկատմամբ»,- Բախի խոսքը մեջբերում է Daily Mail-ը:
Հիշեցնենք, որ մարտի 24-ին Միջազգային օլիմպիական կոմիտեն հայտարարեց Տոկիո-2020-ի խաղերը 1 տարով հետաձգելու մասին: Հայտարարությունում նշվում էր, որ Օլիմպիական խաղերը կանցկացվեն 2021 թվականի հուլիսի 24-ից օգոստոսի 9-ը:
Հետևեք NEWS.am SPORT-ին Facebook-ում, Twitter և Telegram-ում