Իսպանիայի ֆուտբոլի ֆեդերացիայի նախագահ Լուիս Ռուբիալեսը բացառել է առանց Լա Լիգայի մրցաշրջանն ավարտելու չեմպիոնի որոշման հնարավորությունը:
«Արդար չի լինի, եթե մրցաշարը դադարեցվի և չեմպիոն հռչակվի այս պահին առաջատարը՝ «Բարսելոնան»: Մենք չենք կարող իմանալ, թե ինչ տեղի կունենա մնացած տուրերից հետո:
ՈւԵՖԱ-ի հետ պայմանավորվածություն ունենք մրցաշրջանն ավարտել ամենաուշը հունիսի 30-ին: Տեսնենք՝ ինչպես են զարգանում իրադարձությունները կապված կորոնավիրուսի հետ»,- Ռուբիալեսի խոսքը փոխանցում է Marca-ն:
Հիշեցնենք, որ ՈւԵՖԱ-ն մարտի 17-ին տեղի ունեցած կազմակերպության անդամ երկրների ֆեդերացիաների ղեկավարների մասնակցությամբ տեսակոնֆերանսում որոշել է Եվրո-2020-ը հետաձգել և անցկացնել 2021թ․ հունիսի 11-ից հուլիսի 11-ը՝ առաջնահերթությունը տալով ազգային առաջնությունները և եվրագավաթային մրցաշարերը ավարտին հասցնելուն։
Հետևեք NEWS.am SPORT-ին Facebook-ում, Twitter և Telegram-ում