Անգլիական «Մանչեսթեր Յունայթեդի» նախկին դարպասապահ Պետր Շմեյխելը խոսել է վերջին շրջանում մանչեսթերյան թիմի հիմնական դարպասապահ Դավիդ Դե Խեայի մրցելույթների մասին:
«Դե Խեան մեծ թվով սխալներ է թույլ տալիս, քանի որ կենտրոնացած չէ: Այնպիսի տպավորություն է, որ Դե Խեան մտքերով «Ռեալում» է:
7 խաղում Դե Խեան 7 սխալ է թույլ տվել և դրանք միավորներ են խլել «Մանչեսթեր Յունայթեդից»: Ակումբի ղեկավարությունը պետք է քննարկի այս հարցը»,- Շմեյխելի խոսքը մեջբերում է Goal.com-ը:
Ընթացիկ մրցաշրջանում 29-ամյա իսպանացի դարպասապահը «Մանչեսթեր Յունայթեդի» կազմում մասնակցել է 31 հանդիպման:
Պրեմյեր լիգայի մրցաշարային աղյուսակում «Մանչեսթեր Յունայթեդը» 42 միավորով 5-րդ տեղում է:
Հետևեք NEWS.am SPORT-ին Facebook-ում, Twitter և Telegram-ում