19:12  ,  2 մարտի, 2020

Ռամոս. Կարողացանք ամբողջովին մեկուսացնել Մեսիին

Մադրիդի «Ռեալի» ավագ Սերխիո Ռամոսը մեկնաբանել է Լա Լիգայի 26-րդ տուրում կատալոնական «Բարսելոնայի» նկատմամբ 2:0 հաշվով տարած հաղթանակը:

«Այս խաղում մեզ մոտ ամեն ինչ ստացվեց: Առաջին խաղակեսում «Բարսելոնան» վերահսկում էր գնդակը և կարողացավ մի քանի վտանգավոր գրոհ իրականցնել, իսկ երկրորդ խաղակեսում գրեթե չկարողացավ հնարավորություն ստեղծել:

Մեսին մեծ խնդիր է ցանկացած թիմի պաշտպանների համար: Մենք չէինք կարող աչքաթող անել նրան և կարծում եմ, որ մեր պաշտպաններին հաջողվեց ամբողջովին մեկուսացնել Մեսիին»,- Ռամոսի խոսքը փոխանցում է Marca-ն:

Հիշեցնենք, որ «Սանտիագո Բեռնաբեու» ստադիոնում տեղի ունեցած խաղում «Ռեալը» հաղթանակ տարավ Վինիսիուս Ժունիորի և Մարիանո Դիասի գոլերի շնորհիվ:

«Ռեալը» 56 միավորով գլխավորեց մրցաշարային աղյուսակը, «Բարսելոնան» հետ է 1 միավոր։

Հետևեք NEWS.am SPORT-ին Facebook-ում, Twitter և Telegram-ում