Անգլիայի առաջնությունում «Լիվերպուլի» անպարտելի շարքը տեւեց 44 հանդիպում։ Պրեմյեր լիգայի 28-րդ տուրում գերմանացի Յուրգեն Կլոպի գլխավորած թիմը հյուրընկալվելիս 0։3 հաշվով պարտվեց «Ուոթֆորդին»։
«Լիվերպուլը» Պրեմյեր լիգայում պարտություն չէր կրել անցած առաջնության 22-րդ տուրից՝ այս ընթացքում տանելով 39 հաղթանակ եւ 5 խաղ ավարտելով ոչ ոքի։
Ռեկորդը պատկանում է Լոնդոնի «Արսենալին», որը 2003թ․ մայիսից մինչեւ 2004թ․ հոկտեմբեր Անգլիայի առաջնությունում չի պարտվել 49 անընդմեջ խաղում։
Այս մրցաշրջանում «Լիվերպուլը» տարել է 26 հաղթանակ, «Մանչեսթեր Յունայթեդի» հետ էլ խաղացել էր ոչ ոքի՝ 1։1։
«Լիվերպուլը» 79 միավորով գլխավորում է մրցաշարային աղյուսակը եւ 22 միավորի առավելություն ունի մեկ հանդիպում քիչ անցկացրած «Մանչեսթեր Սիթիի» նկատմամբ։ Առաջնության ավարտին մնացել է 10 տուր։
Հետևեք NEWS.am SPORT-ին Facebook-ում, Twitter և Telegram-ում