Անգլիական «Լիվերպուլի» սենեգալցի հարձակվող Սադիո Մանեն հայտարարել է, որ չգիտեր, որ Պրեմյեր լիգայում չեմպիոն դարձած թիմի ֆուտբոլիստներն անհատական մեդալներ են ստանում:
«Ես երեկ եմ իմացել, որ Պրեմյեր լիգայում հաղթելու դեպքում մեզ մեդալներ են տալու:
Իհարկե, ինձ համար կարևորը չեմպիոնությունն է, իսկ մեդալները կարող են նաև չլինել»,- Մանեի խոսքը փոխանցում է BBC-ն:
Պրեմյեր լիգայի ընթացիկ առաջնությունում «Լիվերպուլը» 27 տուրից հետո 79 միավորով գլխավորում է մրցաշարային աղյուսակը եւ երկրորդ տեղում ընթացող «Մանչեսթեր Սիթիի» նկատմամբ ունի 22 միավորի առավելություն։ Առաջնության ավարտին մնացել է 11 տուր։
Հետևեք NEWS.am SPORT-ին Facebook-ում, Twitter և Telegram-ում