Երևանի «Ալաշկերտը» պայմանագիր է կնքել բրազիլացի ձախ եզրային Բրիան Սիլվա Գարսիայի հետ, տեղեկացնում է ակումբի մամուլի ծառայությունը:
27-ամյա ֆուտբոլիստը ժամանակին բրազիլական «Ամերիկա» թիմից տեղափոխվել է Լիսաբոնի «Բենֆիկա» և մեկ մրցաշրջան անցկացրել պորտուգալական գրանդ ակումբի երկրորդ թիմի կազմում:
2016-2017 թթ. Բրիանը հանդես է եկել բրազիլական Սերիա Ա-ում` պաշտպանելով լեգենդար «Կրուզեյրո» ակումբի գույները:
Արագավազ ֆուտբոլիստը հանդես է եկել բրազիլական Սերիա Բ-ի մի շարք թիմերում, իսկ նրա վերջին ակումբը Սերիա Բ-ն ներկայացնող CRB-ն էր:
Բրիան Գարսիան միացել է «Ալաշկերտին» բելեկյան հավաքի ընթացքում, մասնակցել է նաև փետրվարի 27-ին կայացած «Ուրարտուի» հետ ստուգողական հանդիպմանը:
Հետևեք NEWS.am SPORT-ին Facebook-ում, Twitter և Telegram-ում